जनता 4k न्युज जनकपुरधाम। नेकपा एमालेको तर्फबाट समानुपातिक प्रणालीमार्फत धनुषाको क्षिरेश्वरनाथ नगरपालिकाकी नेतृ यशोधा देवी यादवलाई प्रतिनिधिसभा सदस्य (सांसद) को जिम्मेवारी प्रदान गरिएकोमा स्थानीय नेता तथा कार्यकर्ताहरूले खुशी व्यक्त गरेका छन्।
धनुषाका स्थानीय नेताहरूले पूर्व उपप्रधानमन्त्री तथा एमाले नेता रघुवीर महासेठले पार्टीको तर्फबाट यादवलाई संसदमा प्रतिनिधित्व गर्ने अवसर दिलाएको भन्दै धन्यवाद व्यक्त गरेका छन्।
क्षेत्रका नेता तथा कार्यकर्ताहरूले यो निर्णयले धनुषा जिल्लाको आवाज राष्ट्रिय राजनीतिमा अझ सशक्त रूपमा उठ्ने विश्वास व्यक्त गरेका छन्। उनीहरूले क्षिरेश्वरनाथ नगरपालिकाकी कर्मठ नेतृ यादव समानुपातिक प्रणालीमार्फत सांसद बन्नु गौरवको विषय भएको बताएका छन्।
नेताहरूले नव–निर्वाचित सांसद यादवलाई बधाई तथा सफल कार्यकालको शुभकामना दिँदै उहाँको नेतृत्वमा जनताको आवाज संसदमा प्रभावकारी रूपमा उठ्ने अपेक्षा व्यक्त गरेका छन्।
स्थानीय कार्यकर्ताहरूका अनुसार यो नियुक्तिले क्षिरेश्वरनाथ नगरपालिका लगायत धनुषा क्षेत्रका जनताको आशा, विश्वास र प्रतिनिधित्वलाई अझ मजबुत बनाउने विश्वास गरिएको छ।
